Sot qeveria shqiptare ka miratuar aktin normative për kurismin e energjisë elektrike.
Në nenin 4 të këtij akti normativ përcaktohet se institucionet e qeverisjes qendrore dhe ato të varësisë duhet të reduktojnë konsumin e energjisë elektrike në masën 15% krahasuar me vitin e shkuar.
Ata do të bëjnë raportim pranë Task Forcës së Energjisë brenda 7 ditësh nga hyrja në fuqi e aktit normative në lidhje me verifikimin e pajisjeve që konsumojnë shumë energji elektrike dhe masave të vendosura.
Neni 5 përcakton edhe masat konkrete që do të merren për ndriçimin e institucioneve publike.
Masat e veçanta për klientët jofamiljarë publikë
- Klientët jofamiljarë publikë, përveç detyrimit të përcaktuar në nenin 4, të këtij akti
normativ, zbatojnë edhe masat e detyrueshme për reduktimin e konsumit të energjisë elektrike,
sipas parashikimeve të mëposhtme:
- a) Ndalohet përdorimi i ajrit të kondicionuar në temperaturë më të ulët se 27 gradë gjatë verës
dhe më të lartë se 21 gradë gjatë dimrit;
- b) Ndërpritet ndriçimi i jashtëm i godinave të klientëve jofamiljarë publikë çdo ditë pas orës
22:00;
- c) Ndërpritet ndriçimi rrugor i rrugëve ndërqytetase kryesore dhe dytësore;
ç) Ndërpritet ndriçimi i jashtëm i objekteve të kulturës, monumenteve, shesheve,
shatërvanëve.
- Nga zbatimi i pikës 1, të këtij neni, përjashtohet ndriçimi i rrugëve të qytetit.
- Shkelja e detyrimeve të këtij neni konsiderohet shkelje administrative dhe dënohet me
gjobë, në masën 50 000 (pesëdhjetë mijë) lekë. Masa administrative i vendoset titullarit të
institucionit, administratorit të shoqërisë apo ndërmarrjes, që ka përgjegjësi administrimi pronën
përkatëse.
